A

A

Wednesday, March 16, 2016

DHAMIRA YA MWIGULU YAANZA KUTIMIA,WAFUGAJI SASA KUPEWA BLOCKS WAFUGE KWA MFUMO WA KISASA

Waziri wa Kilimo,Mifugo na Uvuvi Mh:Mwigulu Nchemba akimuangalia mmoja wadume  la ng'ombe anayetumika kuzalisha Mitamba kwenye kitaru namba 9 shamba la kitengule-Karagwe.Baadhi ya ng'ombe waliopo kitaru namba 9 shamba la kitengule ambapo kwenye block hii moja kuna Ng'ombe zaidi ya 800 wanaolishwa na kuhudumiwa vizuri na mmiliki wa kitaru hiki.Ng'ombe wakitoka kuogeshwa kwaajili ya kuua baadhi ya wadudu kama kupe wanaopendelea kukaa kwenye mwili wa ng'ombe.Hili ni moja ya josho la kisasa ndani ya kitaru namba 9.
Kufuatia ziara ya waziri mkuu,Mh:Kassim Majaliwa ndani ya mkoa wa Kagera akiwa ameambatana na waziri wa Kilimo,Mifugo na Uvuvi pamoja na Naibu Waziri wa Mambo ya ndani,Ziara hiyo imekuja na maagizo kadhaa ikiwamo wamiliki wote wa vitaru kwenye ranchi za Taifa ambao hawajaziendeleza waziachie mara moja na maeneo hayo yagawiwe upya,Waziri Mkuu ameagiza pia kwa wamiliki wa vitaaru ambao sio watanzania wajisalimishe au waondoke kwenye vitaru hivyo kabla hatua kali hazijaanza kuchukuliwa.
Waziri wa Kilimo,Mifugo na Uvuvi Mh:Mwigulu Nchemba akiwa na timu yake ya wataalamu wameshaanza kupitia vitaru vyote "blocks" na wamiliki wake ikiwepo pia idadinya mifugo kwa kila block,Hii leo Mwigulu Ncheba amekutana na wamiliki wa vitaru kwenye shamba la Kitangile-Karagwe na kuagiza wamiliki wote ambao hawajaendeleza maeneo wanayoyamiliki yanachukuliwa na serikali kwaajili ya kuwapatia watanzania wenye uwezo wa kuziendesha.
Mwigulu Nchemba ameagiza pia wamiliki wa vitaru kuacha mchezo wa kukodisha na kuingiza mifugo kutoka kwa wafugaji haramu wa nchi jirani,kitendo hicho ni kosa na yeyote atakayebainika anakwenda jela na adhabu kali itafuta.
Mbali na vitaru hivyo,Waziri Mkuu akishirikiana na waziri wa kilimo wameagiza ofisi ya mkuu wa mkoa wa kagera kuondoa wavamizi wote kwenye pori tengefu ya serikali kabla hatua zingine zinazofuata kuanza kutekelezwa.
Kupitia uwekezaji mzuri kwenye kitaru namba 9 cha shamba la Kitengule,Mwigulu Nchemba ametoa rai kwa wafugaji wote nchini kuanza kujipanga kufuga kwa mfumo wa vitaru ili kuachana na ufugaji holela unaopelekea migogoro mbalimbali na wakulima.
Picha/Maelezo na Festo Sanga Jr.

Tuesday, March 15, 2016

WAZIRI MKUU AAGIZA RANCHI ZA TAIFA ZIPITIWE UPYA NA WATANZANIA WAANZE KUNUFAIKA NA RANCHI HIZO

Waziri Mkuu wa Jamhuri ya Muungano wa Tanzania,Mh:Kassim Majaliwa akiteta jambo na Waziri wa Kilimo,Mifugo na Uvuvi Mh:Mwigulu Nchemba hii leo kwenye mkutano wa hadhara wilayani misenyi.Waziri Mkuu Mh;Kassim Majaliwa akiwa ameongozana na viongzo wa serikali kuelekea eneo la mpaka wa Tanzania na Uganda kaskanizini mwa wilaya ya misenyi.Waziri Mkuu na Waziri wa Kilimo,Mifugo na Uvuvi wakiangalia BICON ya mpaka kati ya Tanzania na Uganda wilayani misenyi.Waziri Mkuu akisoma ramani ya mpaka wa Tanzania na Uganda wakati alipotembelea ranchi ya Taifa iliyopo mpakani na Uganda.Kubwa alilokutana nalo Mh.Waziri Mkuu ni uingizwaji wa mifugo kiholela kutoka Uganda kuja Tanzania kutokana na mipaka kuwa karibu na makazi ya watu na vilevile kukosekana kwa ulinzi wa mara kwa mara.Waziri Mkuu akiwasili Kagera kuzungumza na wananchi.Katika mkutano huo,Waziri Mkuu ameagiza wizara ya Kilimo,Mifugo na Uvuvi kurudisha ranchi zote ambazo wawekezaji walipewa na wameshindwa kuziendeleza.Wakati huo huo Mwigulu Nchemba ametangaza kuanza kupitiwa upya kwa ranchi zote na blocks zake zianze kutumika kwa ufugaji wa kisasa na wenye tija kwa wafugaji.Waziri Mkuu Mh.Kassim Majaliwa akiwasili kwenye kiwanda cha uzalishaji wa sukari wilayani Misenyi,kiwanda cha KAGERA SUGAR.Baba wa Taifa Mwl.Julisu K.Nyerere alikizindua kiwanda hiki mwaka 1979 na baadae kikaja kuharibiwa wakati wa vita ya Uganda na Tanzania.Mkuu wa kitengo cha udhibiti wa ubora wa miwa inayotumika kuzalishia sukari akitoa maelekezo kwa Mh:Waziri Mkuu Kassim Majaliwa namna uvunaji na uhifadhi wa miwa unavyofanyika katika kiwanda hiki cha Kagera.Uzalishaji wa sukari ukiendelea kwenye kiwanda cha Kagera Sugar,hii ni hatua ya mwisho ya kupakia sukari kwenye mifuko na kuihifadhi kwenye ghala.Hii ni sehemu ya stock ya sukari inayozalisha kiwandani hapo.

Friday, March 11, 2016

MWIGULU NCHEMBA AFANYA MAZUNGUMZO NA RAIS WA VIETNAM HII LEO,WAFUNGUA MILANGO KWA UWEKEZAJI KWENYE KILIMO,MIFUGO NA UVUVI

Waziri wa Kilimo,Mifugo na Uvuvi Mh.Mwigulu Nchemba akisalimiana na Rais wa Vietnam NdgTruong Tan Sang mapema hii leo walipokutana kwaajili ya mazungumzo kuhusu fursa zilizopo katika kilimo,mifugo na uvuvi katika nchi mbili hizi rafikiKatika mazungumzo ya pamoja kati ya Rais wa Vietnam na Mh.Mwigulu Nchemba na ujumbe wake,Pande hizi mbili zimekubaliana kushirikiana kwenye uzalishaji wa mbegu bora za mazao na uzalishaji wa samaki hapa nchini,Mbali zaidi wamekubaliana kufungua fursa zaidi kwa wafanyabiashara wa nchi hizi mbili kuwekeza kwenye kilimo,mifugo na uvuvi.Mauzngumzo yakiendelea kati ya ujumbe kutoka Vietnam na wadau wa kilimo hapa nchini.
Mh.Mwigulu Nchemba akiagana na Rais wa Vietnam mara baada ya mazungumzo ya pamoja kumalizika.
Picha/Maelezo na Festo Sanga Jr.

Sunday, March 6, 2016

SHAMBA LA KITULO LAPATA MWAROBAINI,MWIGULU NCHEMBA AJIPANGA KULIBORESHA NA KUIMARISHA UZALISHAJI WAKE

Waziri wa Kilimo,Mifugo na Uvuvi Mh.Mwigulu Nchemba akiwa na Mbunge wa Makete Mh.Noramn Sigalla wakati alipowasili kwenye shamba la Kitulo ambalo ni moja ya Mashamba makubwa ya kufuga Ng'ombe wa kisasa aina ya Mitamba.Huwa ni mfano wa Ng'ombe wa kisasa aina ya Mitamba wanaopatikana shamba la kitulo wenye uwezo wa kutoa maziwa lita 15 hadi 20 wanapokamuliwa mara moja kwa kila mmoja.Mwigulu Nchemba akipewa maelekezo kutoka kwa meneja wa shamba la kitulo kuhusiana na uzalishaji wa Ng'ombe aina ya mitamba.Kushoto ni Mkuu wa wilaya ya Makete Ndg.Mh.Mwigulu Nchemba akiwa kwenye shamba la kitulo akipewa maelezo mbalimbali yanayohusiana na kuyumba kwa ufugaji wa ng'ombe kwenye shamba hilo.Moja ya Farasi ambaye anafugwa kwenye shamba la Kitulo,Idadi ya Farasi wanaofugwa imepungua kutokana na wengi kuuzwa kwa wananchi.Moja ya Dume la Ng'ombe la kisasa ambalo limezalishwa Shamba la kitulo.Mh.Mwigulu Nchemba akiangalia namna ukamuaji wa maziwa unavyofanyika kwenye shamba la kitulo.Akiwa njiani kutokea shamba la Kitulo,Mh.Mwigulu Nchemba alipata nafasi ya kuzungumza na wananchi wa kata ya kikondo ambao walikuwa na malalamiko ya kulipwa fidia baada ya kuhamishwa kutoka hifadhi ya Kitulo,Madai yao ya fidia ni fedha ya Tanzania Bilion 1.8,Mwigulu amewaahidi kuwasaidia wananchi hao kwa kuzungumza na waziri wa Mali asili na Utalii aweze kuprocess malipo hayo.Mbunge wa Makete,Dr.Norman Sigalla akiomba kwa Waziri wa kilimo,Mifugo na Uvuvi kufanikisha zoezi la kuboresha shamba la kitulo ili uchumi wa wananchi wake wa Makete na wanaozunguka shamba hilo uimarike.
Shamba la Kitulo la Ufugaji wa Ng'ombe aina ya Mitamba lilianzishwa mwaka 1963 na Mwl.Nyerere kama eneo la kuzalisha maziwa ya kusambaza nchi nzima,Ng'ombe aina ya Mitamba wanaopatikana kwenye shamba hilo waliingizwa nchini kutokea Marekani na nchi za Ulaya Mashariki ambazo hali yake ya hewa inaendana na ile ya kitulo ambayo kuna wakati ni 0 centgrade,na hali ya juu zaidi inaweza kuwa 19 Centgrade.
Kuanzia miaka hiyo ,Shamba la kitulo ambalo linauwezo wa kulisha ng'ombe elfu nne (4000),Shamba hilo kwa sasa lina ng"ombe mia saba tu(700).
Mbali zaidi,nyenzo za kutunzia ndama na kukamua maziwa haziridhishi na ukuziaji wa nyasi zilizopandwa kwaajili ya malisho haulidhishi.
Waziri wa Kilimo,Mifugo na Uvuvi Mh.Mwigulu Nchemba,baada ya kusikiliza na kuona changamoto zinazolikabili shamba la kitulo kwa ufugaji wa ng'ombe,Ameahidi kuhakikisha analiboresha na kusaidia upatikanaji wa ng'ombe wa kutosha,huduma za kutosha ili eneo la kitulo liwe ni shamba darasa hata kwa mashamba mengine ndani na nje ya nchi yetu.
Picha/Maelezo na Festo Sanga Jr.

Saturday, March 5, 2016

MWIGULU NCHEMBA AJIKITA KUWEKA MIKAKATI MPYA YA KUINUA KILIMO NCHII,UFUGAJI NA UVUVI

Waziri wa Kilimo,Mifugo na Uvuvi Mh.Mwigulu Nchemba akiteta jambo na Mbunge wa Mlimba Bi.suzan Kiwanga(CHADEMA) mapema hii leo wakati wa mkutano wa hadhara uliofanyika kijiji cha Mgeta-Mlimba.Moja ya mashine za Umwagiliaji kwenye mashamba ya Mpunga ya KPL(Kilombero Plantation Limited) ikiwa tayari kwa kuanza kazi ya kumwagilia maji kwenye shamba hili la mpunga.Mh.Mwigulu akiangalia sehemu ya mpunga uliohalibiwa kwa kile kinachodhaniwa ni sumu iliyotokana na Umwagiliaji wa sumu aina ya Glyphosate iliyokuwa inatumiwa na wamiliki wa KPL kuchoma nyasi kwenye mashamba yao,
Katika kikao cha pamoja cha wananchi,Uongozi wa serikali na uongozi wa KPL(Kilombero Plantation Limited),Mwigulu Nchemba amepokea hatua za awali za wataalamu na watafiti wa serikali waliobobea kubaini chanzo cha mimea kuharibika kwa kiasi kikubwa hivi,Wataalam hao wamemhakikishia Mh.Mwigulu Nchemba kuwa watatoa ripoti yao kamili ndani ya muda wa siku 21 ili kubaini aliyesababisha mimea ya mpunga kuungua.
Mwigulu Nchemba amewahakikishia wananchi kuwa serikali ya Rais.Magufuli imejipanga kutetea haki za wananchi na itamuwajibisha yeyote anayehujumu kilimo na ustawi wa Taifa letu
Vilevile Mh.Mwigulu Nchemba alifanikiwa kupitia shamba la Ruaha ambalo lipo chini ya muwekezaji kotaka nchini Marekani,hapa akipata maelekezo namna kilimo kinavyotakiwa kuendana na wakati.Utofauti wa Kilimo cha kisasa cha kuzingatia mbolea,Mbegu na wakati na kilimo cha kiholela ambacho hakizingatii mbegu na mbolea.Moja ya trekta la kisasa la muwekezaji wa "Ruaha Farm" ambalo linatumika kupanda mbegu,kuvuna na mwagilia dawa ya mimea.Waziri wa Kilimo akipewa maelezo kuhusu uhudumiaji wa mashamba ya Mahindi kuanzia uaandaji wa shamba,mbegu,mbolea na majira ya kupanda mahindi.
Wakati wa ziara hiyo,Mwigulu Nchemba mwenye dhamana ya kilimo ameendelea kusisitiza kuwa kuna haja kama Taifa kuachana na kilimo cha jembe la mkono,lakini matumizi ya mbegu bora na mbolea bora ni muhimu yazingatiwe.
Wizara inajipanga kuandaa mfumo mzuri wa kuhakikisha kila mwananchi anafikiwa kupata pembejeo kwa wakati na upatikanaji wake uwe rahisi.
Lakini,Mwigulu Nchemba pia amewasihi sana wawekezaji kwenye mashamba n.kuheshimu taratibu za uwekezaji,ili kuondoa mahusiano mabaya kati ya muwekezaji na wananchi.
Mwisho,Mh.Mwigulu Nchemba anaendelea na ziara yake ya kukagua vituo vya utafiti,Mashamba ya mbeguna,Mifugo na uvuvi katika Mkoa wa mbeya kuanzia tar.5/03/2016.
Picha/Maelezo na festo Sanga
 

Friday, March 4, 2016

MWIGULU NCHEMBA ATUMBUA JIPU LA MIWA HUKO MIKUMI,YUPO ZIARANI KWA NCHI NZIMA TAYARI KWA MAPINDUZI YA KILIMO

Waziri wa Kilimo,Mifugo na Uvuvi Mh.Mwigulu Nchemba akipewa maelekezo na mtafiti wa mbegu kutoka mmoja ya maafisa wa juu wa wakala mkuu wa aghala la mbegu za ASA(Agricultural Seed Agency) Mkoani Morogoro.Mh.Mwigulu Nchemba akikagua mbegu zilizopo kwenye ghala la ASA mkoani morogoro.Mwigulu Nchemba akizungumza na watumishi wa ASA(Agricultural Seeds Agency) wakati wa ziara hiyo,Kubwa alilosisitiza ni uzalendo na kufanya kazi kwa kujituma.Mh.Mwigulu Nchemba akipewa maelekezo kuhusu malisho ya ng'ombe yanayopatikana kwenye kituo cha utafiti wa mifugo -Morogoro(LITA).Mh:Waziri akiangalia baadhi ya ndama wa Ng"ombe waliopo kwenye shamba la Utafiti kwenye kituo cha LITA-Morogoro.
Mh.Mwigulu Nchemba akizungumza na Makamu Mkuu wa chuo za SUA(Sokoine University of Agriculture) alipofika kwaajili ya kukutana na wataalam,na uongozi wa SUA kwaajili ya kupokea maoni yao kuelekea kilimo,ufugaji na uvuvi wa kisasa. "Transformation of Agriculture".
Katika kikao hicho,Wataalam kutoka SUA walisisitiza kuwa ili Tanzania iweze kuondokana na kilimo holela,ni wakati muafaka sasa kama nchi kuamua kuwekeza kwenye kilimo cha umwagiliaji na kuondoakana na kilimo cha mvua,pia kuachana na jembe la mkono na wakati huo huo kuimarisha vituo vya utafiti na kuzalisha mbegu kikanda.Akiwa njiani kuelekea Ifakara,Mwigulu Nchemba anaamua kufanya mkutao Jimbo la Mikumi kijiji cha Tungu kwaajiliya kusikiliza kero za wananchi dhidi ya uongozi wa miwa wilaya,Mkoa na Taifa,mahusiano mabaya ya kibiashara kati ya wakulima wa miwana kiwanda cha ilovo,Lakini utitiri wa vyama vya wakulima kwa eneo lakilombero.Mwigulu Nchemba akiteta jambo na Mbunge wa Mikumi Mh.Joseph Haule(Prof.Jay) wakati wa mkutano huoBaada ya kusikiliza kero kutoka kwa wananchi na kusoma baadhi ya ripoti za serikali ya wilaya na mkoa na zile za Tume mbalimbali zilizounda kujua kiini cha matatizo ya wakulima wa miwa-Kilombero,Mwigulu Nchemba akiwa ndiye waziri mwenye dhamana na kilimoa akaamua kufuta uongozi wote kwa wakulima wa miwa kuanzia ngazi ya wilaya ya Mikumi hadi Taifa kwa kosa la ubadhilifu na matumizi mabaya ya madaraka.Mh.Mwigulu Nchemba akiangalia mfereji ulioandaliwa kwaajili ya kusambaza maji kwenye shamba la utafiti wa mbegu za Mpunga-Kilombero.Matumizi ya mifereji kwenye kilimo yanaondoa mfumo wa kutegemea mvua ilimimea kupata maji na kukua kwa wakati.
Mwigulu Nchemba anatarajia kuendelea na ziara ya kukagua vituo vya Utafiti na uzalishaji wa mbegu nchi nzima,lakini wakati huo huo atatembelea mashamba ya mifugo na maeneo ya uvuvi wa samaki.
Picha/maelezo na festo Sanga Jr

Tuesday, February 9, 2016

MVOMERO KWA VAMIWANA FIELD MARSHALL,MBUZI 77 WAKATWAKATWA MAPANGA,MWIGULU AANZA SAFARI YA KUTATUA MGOGORO

Mh:Waziri wa Kilimo,Mifugo na Uvuvi  Ndg,Mwigulu Lameck Nchemba akiwasili kata ya Hembeti,Kijiji cha Dihinda mapema hii leo kuangalia madhara na kuchukua hatua dhidi ya uhusiano mbaya uliopo kati ya wakulima na wafugaji uliopelekea kuuawa kwa mbuzi Zaidi ya 70 kwa kukatwakatwa mapanga wilayani Mvomero.Mh;Mwigulu Nchemba akizungumza na wananchi wa kata ya Hembeti wilaya ya Mvomero wakati wa hatua za awali za kutafuta suluhu ya kuondokana na mapigano ya wakulima nawafugaji yaliyosababisha Mbuzi zaidi ya 70 kukatwa katwa usiku wa kuamkia tar 9/02/2016 katika kitongoji cha Dihinda.
Katika Mkutano huo,Mwigulu pamoja na wananchi wamekubaliana tar 21/02/2016 kutafanyika mkutano mkubwa utakao husanisha wakulima na wafugaji ilikuweka mipaka ya kutenganisha eneo la kufigia na kilimo.
Wakati huohuo wote walioshiriki kwenye tukio la kukata kata mifugo wameshaanza kukatwa na kuchukuliwa hatua za kisheria,Mwigulu amesisitiza kuwa si vyema kujenga tabia ya visasi baina ya wakulima na wafugaji.Serikali imeshajipanga kuanza kugawa maeneo kwaajili ya jamii hizi mbili katika sehemu mbalimbali za nchi,hivyo basi wananchi wa Mvomero na sehemu zingine wawe wavumilivu wakati huu serikali ikianza kugawa maeneo upya kwaajili ya hifadhi,kilimo na malisho ya mifugo.Mh:Mwigulu Nchemba akipokea baadhi ya maelezo kutoka kwa Mkuu wa polisi (RPC) Mkoa wa Morogoro kuhusiana na tukio la mapigano ya wakulima na wafugaji eneo la Mvomero.Mama mjane akilia mbele ya mifugo yake iliyouawa kwa kukatwakatwa mapanga.Mwigulu Nchemba akishuhudia madhara yaliyotokana na ugomvi wa wakulima na wafugaji kitongoji cha Dihinda uliopelekea mbuzi hawa kukatwakatwa.Mwigulu Nchemba akiwa ameongozana na mama mjane aliyejeruhiwa na mbuzi wake kukatwa katwa mapanga  na watu wanaodhaniwa ni wakulima katika kitongoji cha Dihinda.Sehemu ya Mbuzi waliouawa kwa kukatwa katwa mapanga na watu wanaodhaniwa ni wakulima wilayani Mvomero.Mwigulu akiwa na Mkuu wa wilaya ya Mvomero Mh:Betty Mkwasa wakiangalia madhara yaliyosababishwa na uhusiano mbaya kati ya wakulima na wafugaji eneo la kata ya Hembeti.Waziri wa Kilimo.Mifugo na Uvuvi Mh:Mwigulu Nchemba na Mkuu wa wilaya ya Mvomero Mh:Betty Mkwasa wakichanja mbuga za kijiji cha kigurukirwa wakati wa kukagua madhara yaliyotokana na uhusiano mbaya kati ya wakulima nawafugaji wilayani mvomero hii leo.
Picha na Sanga Festo Jr.