Mbowe aweka rehani ndoa za wabunge

SAKATA la Kiongozi wa Kambi ya Upinzani Bungeni, Freeman Mbowe (Chadema), kutuhumiwa kutumia vibaya madaraka yake, limeweka ndoa za wabunge shakani.

Mbowe juzi alituhumiwa na Mbunge wa Iramba Magharibi, Mwigulu Nchemba (CCM), kubadilisha ziara ya Mbunge wa Viti Maalum, Joyce Mukya (Chadema), aliyotumwa na Bunge nje ya nchi huku akiwa amechukua posho, asiende alikotumwa badala yake aende Dubai katika Falme za Kiarabu na kurejea nchini.

Wakimtetea Mbowe, baadhi ya wabunge wa Chadema walifikia hatua kusema huo ni uhusiano binafsi na kuongeza kuwa kama na wao wakianza kutaja, kila mbunge ana uhusiano wa kifuska bungeni.